Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Emmy ishte tërhequr zvarrë me makinë Sat Mar 05, 2011 8:47 am | |
|  Pamjet që janë regjistruar natën e së shtunës duke gdhirë dita e diel nga kamerat e sigurisë së lokalit ku ndodhi ngjarja e goditjes me makinë të këngëtares Emmy kanë filmuar po thuajse gjithçka.
Këto imazhet përputhen edhe me deklarimet që ka dhënë në polici një prej rojeve të parkingut, i cili ka parë gjithçka që ka ndodhur në orët e para të mëngjesit të së dielës, më 27 shkurt.
Burime nga grupi hetimor i policisë kanë thënë se ngjarja është e regjistruar, që nga momenti kur Aziz Kelmendi ka dalë nga “Venue”, bashkë me të dashurën e tij të re, 24-vjeçaren Persida I.
Kamerat kanë fiksuar momentin kur ai ka hipur në makinë dhe brenda pak sekondash pas tij ka dalë edhe Emmy. Ajo është afruar tek makina e tij dhe nga imazhet duket se ka tentuar të flasë me drejtuesin e mjetit. Rrezja e pamjeve që ka fokusuar kamera, nuk ka shkuar deri tek vendi ku ka ndodhur përplasja, por 100 metra janë regjistruar manovrimet me makinë dhe trupi i këngëtares që ishte i varur tek dera e shoferit.
Në bazë të pamjeve filmike, dëshmisë së rojës së parkingut, gjurmëve që kanë lënë gomat e makinës tip “Tuareg” në asfalt, frenimi dhe vendi ku është gjetur e plagosur rëndë Emmy, grupi hetimor ka rindërtuar skenën e vrasjes së Emmy-t.
Nga lokali “Venue”, ku të shtunën në mbrëmje këndonte këngëtarja Dafina Zeqiri, fillimisht ka dalë biznesmeni Aziz Kelmendi, i shoqëruar nga e dashura e tij, Persida I. Ata kanë hipur menjëherë në makinën tip “Tuareg”, me targë 612 KS 188, në pronësi të 47- vjeçarit Kelmendi.
Disa sekonda pas tyre, nga lokali ka dalë edhe këngëtarja Elsina Hidersha, e cila është drejtuar menjëherë tek makina e biznesmenit, duke tentuar të hapë derën, në anën e majtë të makinës, krahu i shoferit.
Në këtë moment, Kelmendi ka mbyllur siguresat e të gjitha dyerve të makinës, në mënyrë që ajo të mos hipte. Pasi ka mbyllur dyert, ka hapur vetëm disa centimetra xhamin e derës së drejtuesit të mjetit. Në këtë moment, Emmy është kapur tek xhami i makinës me të dyja duart. Kelmendi ka mbyllur xhamin e derës duke i zënë gishtat dhe në këtë mënyrë Emmy nuk ka lëvizur dot.
Më pas, i ka dhënë gaz makinës dhe ka lëvizur me shpejtësi nga “Venue”, në drejtim të kryqëzimit të “Varrit të Bamit”. Roja i parkingut ka deklaruar se përreth 100 metra këngëtarja është tërhequr zvarrë me makinë.
Sipas tij, drejtuesi i mjetit ka ecur me shpejtësi dhe gjatë rrugës ka manovruar disa herë, në mënyrë që këngëtarja të shkëputej nga makina. Ajo ka rënë vetëm në momentin e frenimit dhe pasi trupi është shkëputur nga makina, goma e pasme e mjetit i ka kaluar sipër këmbës.
Ky fakt vërtetohet edhe nga raporti mjeko-ligjor. Pas këtij momenti, Kelmendi është larguar nga vendi i ngjarjes dhe mësohet se ka dërguar të dashurën e tij në hotel, për t’u rikthyer sërish aty, ku sipas tij ndodhi aksidenti dhe ka lajmëruar policinë. |
|
