Futbollisti spanjoll dhe këngëtarja e njohur kolumbiane janë ndarë përfundimisht për shkak të një pabesie.

Lajmin e ka bërë të ditur të mërkurën e përditshmja peruane ‘El Comercio’.

Historia në mes të 33 vjeçares dhe 24 vjeçarit ka marrë fund për shkak se Pique po ‘përziente’ ndërkohë me një femër tjetër më të re. Shakira kishte konfirmuar në muajin mars përmes llogarisë së saj në rrjetin social, Twitter.

“Les presento a mi sol…”, postonte ajo në gjuhën spanjolle, që do të thotë: ”Ua prezantoj dritën e diellit tim”, në shqip. Çifti nuk është parë në publik së bashku javët e fundit, shkruan magazina meksikane, ‘TV y Novelas’.

Zërat flasin se Pique ishte arsyeja që Shakira dhe ish i dashuri i saj Antonio de la Rua, me të cilin kalonte 11 vjet, ishin ndarë në muajin janar. Asnjëra palë megjithatë nuk e ka konfirmuar zyrtarisht ndarjen.