Këngëtarja nga Shqipëria, Rovena Stefa, thotë se ajo së shpejti do të hapë produksionin e saj muzikor.

Këto komente Rovena i ka bërë në emisionin “Pro Shqip” në Top Kosova Radio, ku ka folur edhe për klipin e ri, “Kanagjeqi”, që pritet të vijë pas një jave në treg.

Por, jo vetëm e ka treguar fabulën e kësaj kënge, që sipas artistes do të jetë kënga më e mirë e realizuar ndonjëherë, por ajo do të ishte dakord edhe nëse kjo fabul bëhet realitet dhe princi i saj do të ishte nga Kosova raporton Telegrafi.

E pyetur për lajmet rozë të VIP-ave shqiptarë, sidomos për pozimin shtatzënë të këngëtares Aurela Gaçe, ajo ka thënë se nuk do t’i pëlqente që një ditë edhe ajo të bënte një foto për kopertinë në të njëjtën gjendje si Aurela.

Artistja po ashtu ka zbuluar për të gjithë adhuruesit e saj se planifikon të bëjë një turne në shumë qytete kryesore të Kosovës.