New York - Aftësia për gjuhën merr formë që kur fëmija ndodhet në barkun e nënës. Gjatë kohës që janë në bark foshnjat janë të ekspozuara ndaj ritmeve dhe tingujve dhe pasi kanë lindur preferojnë të dëgjojnë tinguj të ngjashëm me ata që i kanë dëgjuar gjatë shtatzënisë.

Kjo gjë vlen akoma më shumë për foshnjat që i kanë mamatë folëse të dy gjuhëve, që jo vetëm që kuptojnë gjuhën mëmë nga të tjerat, por janë të aftë të kuptojnë edhe se dy gjuhët ndryshojnë nga njëra tjetra.

Ky përfundim është rezultati i një studimi të kryer nga hulumtuesit e universitetit “British Columbia”, që u publikua më pas në gazetën “New York Times”, transmeton Noa.