Pa marrë parasysh që pas saj “shkrihen” me mijëra meshkuj, aktorja e njohur hollivudiane, Katherine Heigl, veten aspak nuk e konsideron atraktive. Ajo pranoi se sa shumë brengoset rreth asaj se si duket në ekran.

Ndërsa kur ishte zhveshur për nevojat e filmit “One for the Money”, e vetmja për të cilën kishte menduar dhe ishte brengosur ishte se ndoshta do të duhej më shumë të ushtronte që të dukej më mirë dhe më bukur.

“Kurrë nuk jam e kënaqur se si dukem”, u shpreh Heigl.

“Pa marrë parasysh sado që mundohem dhe sa pak të kem ngrënë gjatë tërë ditës me shpresë që barku do të më jetë i rrafshët, apo sado që ushtrime për bark të bëja, sa herë që të shikohem në ekranin e madh mendoj me vete se nuk do të duhej të kisha ngrënë asgjë gjatë tërë javës para kësaj”, zbuloi Katherine Heigl.

Ajo shpreson që në të ardhmen ta kalojë këtë gjë dhe sa herë që paraqitet nëpër filma të jetë e kënaqur me veten, pra pamjen e saj. Por, se a do ta arrijë ta tejkalojë këtë “fiksim” ajo duket se nuk mund të jetë plotësisht e sigurt.