Morgan Freeman vazhdon të mbajë një dorëz ndihmëse, 16 muaj pasi dëmtoi fijet nervore të dorës në një aksident trafiku.
Aktori theu krahun dhe shpatullën dhe dëmtoi fijet nervore, në aksidentin që ndodhi në gusht të vitit 2008, në afërsi të shtëpisë së tij në Mississippi.

Një burim i ka thënë revistës Us Weekly se dorës së Freeman i nevojitet më shumë kohë për t’u rikuperuar dhe dorëza që ai mban, veç tjerash, pengon ënjtjen e saj.

Ndërsa mjeku Greg Balourdas ka thënë se shërimi mund të zgjasë tre vite.