[You must be registered and logged in to see this link.]Atdhe Nuhiu luajti 90 minuta, por Riedi pësoi humbje me rezultat 1:0 nga skuadra e A. Karnten, në ndeshjen e vlefshme të javës së 25-të të Kampionatit të Austrisë në futboll.
A. Karnten ka shënuar gol në minutën e 30-të nëpërmjet futbollistit Hierlander. Nuhiu pati paraqitje të mirë, megjithatë pësuan humbje me skuadrën e tij. Riedi tash për tash radhitet në vendin e shtatë me 31 pikë, kurse A. Karnten i fundit (10-ti) me 11 pikë. Realisht kjo humbje ka qenë e papritur e Riedit dhe që e ka larguar mjaft shumë nga vendi i pestë, që është synim i kësaj skuadre.
Ndërkaq, Hamdi Salihi është futur në lojë në minutën e 80-të në vend të futbollistit Pehlivan. Salihi për dhjetë minuta dëshmoi angazhim të madh në fushë. Rapidi i Vjenës barazoi si mysafirë 1:1 me Sturmin.
Golin për Sturmin e ka shënuar futbollisti Lavric 67′- nga penalltia dhe Jelacic e barazoi rezultatin në minutën e 83-të. Rapidi kthehet me një pikë, ku tashmë zë vendin e dytë me 47 pikë, por gjasat për titull iu kanë paksuar, pasi në krye të tabelës është Salzburg, i cili ka 52 pikë dhe një ndeshje më pak