[You must be registered and logged in to see this image.] Strategu i Real Madridit, Manuel Pellegrini, thotë se ai do të jetë i kënaqur vetëm me tre pikë nga ndeshja kundër Barcelonës.
“Barazimi është gjithmonë një rezultat i keq për ekipin tim, kurrë nuk kemi luajtur një ndeshje me qëllim që të barazojmë. Kemi shumë fitore në fusha mysafire dhe edhe më shumë në Bernabeu. Prandaj as kjo ndeshje ndaj Barcelonës nuk do të jetë përjashtim”, ka thënë Pellegrini në konferencë shtypi.
“Pres ndeshje të hapur, me një futboll të mirë nga të dyja ekipet, secila efektive në aspektin e vet. Liga nuk përfundon me këtë ndeshje kundër Barcelonës, andaj ai që do të fitojë nuk duhet të ndjehet si kampion”, ka shtuar kiliani.
Pellegrini është pyetur edhe për formën e Messi, por ka thënë se ai më shumë është i interesuar për ekipin e tij se sa për sulmuesin argjentinas.