Pjesëtari i familjes mbretërore britanike, Princi Harry, ka mposhtur Robert Pattinson për t’u emëruar ‘Mashkulli më Cool në Botë’ nga revista GQ.
I treti në rresht për të marrë fronin dhe djalë i të ndjerës Diana, Princeshës së Uellsit, Harry, ka marrë kreun e një sondazhi të revistës në Britani.

Ylli i filmave “Twilight”, Pattinson, është renditur i dyti, derisa asistenti i presidentit amerikan Barack Obama, Reggie Love, befasisht ka dalë në pozitën e tretë.

Reperi britanik Dizzee Rascal është votuar i katërti mashkull më ‘cool’ në botë, derisa dy pozitat e radhës janë pushtuar nga aktori Jason Schwartzman dhe atleti nga Xhamajka, Usain Bolt.

Në top 10 kanë përfunduar edhe fotografi Ryan MCGinley, skenaristi Dustin Lance Black, bateristi i grupit ‘Arctic Monkeys’, Matt Helders dhe shkrimtari Wells Tower.