Aleanca për Ardhmërinë e Kosovës demanton raportimin e Kohavisionit (KTV), të bërë ditën e martë, në edicionin qendror të lajmeve, sipas të cilit, kryetari i AAK-së, Ramush Haradinaj, është me pushime në Turqi, me rekomandime të miqve ndërkombëtarë, me kinse arsyetimin që të mos jetë në Kosovë për të përfituar politikisht në kohën e arrestimeve nga EULEX-i të zyrtarëve qeveritarë të akuzuar për korrupsion- shkruan në një reagim të Zyrës për informim të AAK-së.
Në kumtesën për media thuhet se “AAK shpreh habinë me këtë dezinformatë të një mediumi prestigjioz siç është KTV-ja”.

Më tutje bëhet e ditur se Haradinaj është për një pushim të shkurtër jashtë vendit, pa rekomandime të askujt, dhe se ai të enjten kthehet në Kosovë.