Zëvendësministrja e Punëve të Jashtme Vlora Çitaku priti sot në një takim pune zëvendësministrin e Punëve të Jashtme i Republikës së Maqedonisë, Zoran Petrov. Dy zëvendësministrat nënshkruan Protokollin e Bashkëpunimit mes dy ministrive të punëve të jashtme, që paraqet dokument me rëndësi për konkretizimin e bashkëpunimit në fushën e diplomacisë.

Në takim u diskutuan çështje me interes për bashkëpunimin ndërmjet dy shteteve duke shprehur kënaqësinë për arritjet e deritashme dhe për vullnetin dhe planet për intensifikimin e marrëdhënieve në fusha të ndryshme me interes të dy shteteve, njofton Ministria e Punëve të Jashtme.

Të dyja palët shprehën vullnetin e tyre politik për të gjetur zgjidhje për çfarëdo çështje në raportet dypalëshe. Me nënshkrimin e këtij protokolli arrin në gjashtë numri i dokumenteve të nënshkruara ndërmjet Republikës së Kosovës dhe Republikës së Maqedonisë.