Roli i ëndrrave i Megan Fox do të ishte ai në filmin “The Lost Boys”, por ajo pranon se do të urrente nëse realizohet një version i ri të këtij filmi.
Aktorja e filmit “Jonah Hex” është fanse e flaktë e komedisë horror të vitit 1987, që kishte për protagonist Kiefer Sutherland, Corey Feldman dhe Corey Haim dhe përkundër faktit se roli në këtë film është ëndërr për Fox, ajo thotë se një version i ri do të shkatërronte origjinalin.

“Ata nuk mund ta bëjnë përsëri sepse do ta shkatërronin, por gjithnjë më ka pëlqyer ‘The Lost Boys’. Karakteri femëror nuk ishte dhe aq i mirë, por nëse do ta ndërronin karakterin mashkullor në atë femëror, atëherë do të doja ta bëja atë. Unë jam rritur me atë film. Ka diçka magjike për të në mua”, ka thënë bukuroshja Fox.