Këngëtari britanik, Robbie Williams, është martuar me të dashurën e tij Ayda Field, në shtëpinë e tij në Los Angeles.
Krijuesi i hitit “Angles”, i cili ka qenë në lidhje me aktoren që nga viti 2007, ia propozoi martesën Fieldit në fund të vitit 2009. Çifti thuhet t’i ketë ndërruar unazat në një ceremoni intime përpara miqve dhe familjarëve në villën e tij në Beverly Hills.
Williams që besohet ta ketë detyruar bashkëshorten e re të nënshkruajë një kontratë që ia garanton pasurinë në rast të divorcit, vendosi që t’i ndryshonte planet, pasi që u zbulua pak ditë më parë se ai do të martohej në Santa Catalina, një gjë që nuk e bëri për shkak të privatësisë.