Persona të panjohur të shtunën mbrëma kanë djegur kabllot e antenave të operatorit të telefonisë celulare IPKO në vendin e quajtur Vukojeviq të komunës së Zubin Potokut. Lajmi është konfirmuar nga zëvendës drejtori i Policisë së Kosovës, Ergin Mediq.
Kabllot janë djegur gjatë natës ndërsa të parët që i kanë parë kabllot e djegura kanë qenë ushtarët e KFOR-it që më pas kanë njoftuar dhe Policinë e Kosovës.

Ky është rasti i dytë që kabllot e IPKO-s, operatorit të dytë të telefonisë celulare në Kosovë dëmtohen brenda pak ditësh.