Që me fillimin e këtij edicioni të festivalit “Kënga Magjike” kanë filluar edhe komentet e fansave nëpër rrjete të ndryshme sociale siç është për shembull facebook-u, por edhe në site të tilla si youtube…



Nga vëzhgimi që kryem nëpër këto adresa, na rezulton se një ndër konkurrentet më të klikuara në intenet është edhe vajza sensuale e ekranit të vogël, Zaimina Vasjari. Kënga e saj “1 me 6” e kompozuar nga Flori Mumajesi, i ka bërë menjëherë për vete fansat, duke e klasifikuar Zaiminën në vendet e para sa i përket klikimeve në internet… Kështu Zaimina ka arritur të renditet e dyta pas duetit të Juliana Pashës dhe Luiz Ejllit, me më shumë se 12 mijë klikime, por kujdes nuk ka kaluar ende një javë nga publikimi i këngës së saj…


Veç këngës një tjetër element që i ka shtuar shumë pikë Zait është edhe performanca e shkëlqyer e saj në koordinim të plotë me vijën melodike… Ndonëse finalja do të bëhet e mundur për të dhe për këdo tjetër vetëm falë votave të kolegëve, ne kemi bindjen që bukuroshja e skenës shqiptare do të rrëmbejë një çmim në natën e madhe.