Gjenova, 16 tetor – Gjykata në Gjenova të Italisë, pas seancës dëgjimore, iu ka vazhduar masën e paraburgimit katër nga tetë tifozëve serbë, të cilët janë arrestuar të martën në mbrëmje për arsye të shkaktimit të incidentit në ndeshjen e eliminitoreve Euro 2012 ndërmjet Italisë dhe Serbisë.

Goran Staniq (30), i cili akuzohet për rezistim me rastin e arrestimit, ka thënë para gjykatës se ai nuk ka bërë asgjë, por ka qenë i sulmuar, kurse Nenad Radoviq (20) ka thënë se nuk ka asnjë lidhje me incidentin në ndeshje, se nuk e njeh kreun e tifozëve, Ivan Bogdanov dhe se nuk është pjesëtar i asnjë grupi të organizuar të tifozëve, ka njoftuar agjencia italiane ANSA.

Këta dy i kanë thënë gjykatësit se në burgun Marasi, ku gjenden, janë kërcënuar nga të burgosurit shqiptarë dhe se për këtë arsye kërkojnë të zhvendosen në tjetër burg. .

Të hënën është paraparë takimi i avokatëve mbrojtës dhe prokurorisë, ku, sipas marrëveshjes për pranimin e fajësisë, katër tifozët serbë do të mund të marrin ndëshkimet nga 2 vjet burg dhe menjëherë të depërtohen nga Italia.

Në të kundërtën, nëse gjykatësi e refuzon marrëveshjen e tillë, këtyre tifozëve u kanoset dënimi me nga 4 vjet burg, kurse dënimi do të mund të rritej edhe më shumë për shkak të rrethanave vështirësuese nën të cilat ata kanë kryer veprën penale.