Prishtinë, 16 qershor – Diaspora kosovare, e cila nuk do të ndodhet në Kosovë gjatë ditës së zgjedhjeve të parakohshme, që do të mbahen më 13 shkurt, nuk do të mund të votojë në zgjedhjet e para parlamentare pas pavarësisë së vendit.
Lënia jashtë votimit e diasporës kosovare mund të ndodhë nëse Grupi Punues për Ndryshimin e Ligjit për zgjedhjet e përgjithshme e miraton përfundimisht propozimin e dhënë të premten, që diaspora duhet të vijë në Kosovë për të votuar, për shkak të shpenzimeve të mëdha që bëhen për këtë lloj votimi. Ky propozim i paraqitur është mbështetur në parim nga të gjitha partitë politike, si dhe nga përfaqësues të shoqërisë civile, sipas të cilëve votimi jashtë vendit do të reduktonte dukshëm shpenzimet e KQZ-së.
“Dihet se votimi jashtë vendit është shumë i kushtueshëm dhe nga zgjedhjet e fundit ne kemi marrë vetëm 1 600 vota nga jashtë, kështu që duhet të mendohet një mënyrë tjetër ose, ata të cilët dëshirojnë të votojnë të vijnë në Kosovë”, ka thënë përfaqësuesi i LDK-së, zv.ministri i Ministrisë së Drejtësisë, Arsim Janova.
Më gjerësisht për këtë problematikë dhe mendimet e përfaqësuesve të partive politike, KQZ-së e subjekteve tjera mund të lexoni në numrin e sotëm të Kohës Ditore.
Faleminderit për rekomandimin