Prishtinë, 23 tetor - Guvernatori i suspenduar i Bankës Qendrore të Kosovës, Hashim Rexhepi do të qëndrojë edhe 30 ditë të tjera në paraburgim, raporton Kohavisioni.

Vendimi është marrë nga gjykatësi i EULEX-it Arkadiusz Sedek, edhe pse ai, të mërkurën, kur ishte mbajtur seanca dëgjimore, kishte propozuar lirimin me kaucion prej 100 mijë eurosh. Kërkesa për vazhdimin e paraburgimit është bërë nga prokurorja e EULEX-it Izabel Arnal, kurse herën e parë nga prokurori Nazmi Mustafi.

Rexhepi po qëndron në paraburgim që nga 23 gushti, pas arrestimit të tij me dyshimin për korrupsion, keqpërdorim të detyrës zyrtare, ryshfetmarrje, shmangie tatimi, ushtrim ndikimi dhe larje parash.