Gjakovë, 23 tetor - Fshatrat Devë dhe Guskë të komunës së Gjakovës, brenda pak ditësh do të lidhën me qendrën urbane nëpërmjet një rruge të asfaltuar, falë një investimi të Ministrisë së Transporteve dhe Komunës së Gjakovës. Rreth 9 kilometra e gjatë, rruga pritet të jetë gati brenda dhjetë ditëve, ndërsa sipas banorëve do të realizojë një ëndërr të kamotshme të banorëve të këtyre fshatrave.
Rrustem Mustafa nga fshati Devë, tha se kërkesa e tyre prej vitesh, që edhe kjo pjesë të bëhet më rrugë të asfaltuar, po bëhet realitet tash. “Fshati Devë po afrohet tashmë me qendrën urbane, banorët tash do të kenë më të lehtë të qarkullojnë deri në qytet. Këtu po lind një epokë e re, pasi fshati ka qenë i izoluar pasi nuk kishte rrugë të nderës”, tha Binaku të shtunën tek shikonte makinat duke punuar.
Në fakt ndërtimi i kësaj rruge kishte nisur që në shtatorin e vitit të kaluar, mirëpo po përfundon pas më shumë se një viti.
Për asfaltimin e kësaj rruge Ministria e Transporteve që banorët e kësaj pjese të bëhen me rrugë të asfaltuar ka ndarë një shumë prej 1 milion e 350 mijë eurove, ndërsa komuna
e Gjakovës ka ndihmuar me 50 mijë të tjera.