Tiranë, 23 tetor - Eurodeputetja e Parlamentit Europian Tanja Fajon njoftoi sot nga Tirana nga ku po vijon ditën e saj të dytë të vizitës se Krishtilindjet do t’i gjejnë shqiptarët me të drejtën e lëvizjes pa viza.
Në një takim që realizoi sot me studentë në Tiranë, eurodeputetja tha se para festave të fundvitit, shqiptarët do të lëvizin lirshëm, raporton BalkanWeb.
“Duhet të rrëzojmë murin e vizave, Shqipëria i plotësoi kriteret dhe për Krishtlindje shqiptarët do mudn të lëvizin pa viza në BE”.
Por, siç tha Fajon, tani mbetet të njoftohen qytetarët rreth kritereve që janë caktuar për lëvizjen e lirë.
Në këtë pikë, Fajon ka kujtuar se qytetarët nuk duhet të kërkojnë azil në vendet anëtare të listës së Shengen si dhe nuk mund të qëndrojnë më shumë se 3 muaj.
Ajo kërkoi që informimi të bëhet shpejt dhe saktë që të mos ndodhin gabime si Serbia dhe Maqedonia. “Politikanët të punojnë për informimin dhe të mos një gabim si Serbia dhe Maqedonia”, ka theksuar Fajon.