Milani ka shënuar fitore tejet të rëndësishme në San Paulo te Napoli me rezultat 2-1, për të tejkaluar tashmë edhe zyrtarisht kampionin aktual dhe rivalin e përbetuar, Interin.
Ndeshja që u prit të jetë dinamike dhe me shumë gola, doli të jetë e kundërta, pasi që ndeshja në disa momente ishte tejet monotone.
Sidoqoftë, Milani shpërblehet pas 22 minutash lojë, kur Robinho me të majtën e tij realizoi gol paksa me fat për 1-0 dhe epërsinë e parë të Milanit në këtë takim. Napolitanët sulmuan dhe ishin fare pranë golit të barazimit në fund të pjesës së parë, por Abbiati sonte ishte i jashtëzakonshëm.
Përndryshe, Napoli mbeti me një lojtar më pak në fund të pjesës së parë, kur Pazienza u ndëshkua me kartonin e dytë të verdhë.
Pjesa e dytë ishte më interesante, sidomos fundi i saj. Massimo Oddo realizoi asistimin e dytë të tij në këtë ndeshje kur harkoi për mrekulli te Zlatan Ibrahimovic (77’), që me klasin e tij nuk e pati të vështirë të shënojë për 2-0.
Kur të gjithë menduan se ndeshja përfundoi, i këtij mendimi nuk ishte Ezequiel Lavezzi (83’), që pas një dueli me Sokratis, arriti që të zgjohet në këmbë dhe ta parabolojë Abbiatin e avansuar në atë moment, për ta bërë ndeshjen më dramtike dhe më të ashpër deri në fund. Ndeshja mbaroi me rezultat 2-1, me tri pikë të reja për Milanin.
Pas javës së tetë Milani gjendet në pozitën e dytë me 17 pikë, dy më pak se lideri Lazio dhe dy më shumë se rivali lokal Inter. Javën e ardhshme mund të ndryshohet renditja në klasifikim, pasi që Genoa takohet me Interin dhe Milani me Juventusin
