[You must be registered and logged in to see this image.]
Cristiano Ronaldo ka shënuar dy gola për të ndihmuar Real Madridin të përmbysë disavantazhin 1-0 për të fituar në fund me rezultat 3-1 në stadiumin Jose Rico Perez.

Cristiano Ronaldo ka shënuar dy gola të vonshëm për të ndihmuar Real Madridin të përmbysë disavantazhin 1-0 për të fituar në fund me rezultat 3-1 në ndeshjen përballë Hercules në stadiumin Jose Rico Perez.
David Trezeguet befasoi mysafirët me një supergol me kokë të shënuar vetëm pas tre minutash lojë, gol që ishte edhe i vetmi i pjesës së parë. Por, Reali i ndezur u përgjigj në pjesën e dytë, së pari duke barazuar me anë të Angel di Maria (52’).

Të pakënaqur me një barazim, sulmi mbretëror nuk u dorëzua deri në çastet e fundit, kur zëvendësuesi Karim Benzema tregoi ndikimin e tij me dy asistime për Cristiano Ronaldo brenda katër minutash, për të siguruar tre pikët për ekipin e tij (82’, 86’).

Reali i pamposhtur këtë sezon, vazhdon të mbajë kreun e tabelës me 23 pikë. Barcelona, që mbledh 19 pikë, më vonë pret në Camp Nou ekipin e Sevillas në derbin e javës në La Liga.