Dy motrat e suksesshme të muzikës shqiptare, Greta dhe Eni Koçi kanë rënë së fundmi pre e ‘hackerave’ të internetit.

Gjate javës se kaluar, faqet e dy motrave në rrjetin social Facebook kanë rënë në duart e ‘hajdutëve’ të internetit, të cilët i kanë keqpërdorur profilet e dy vajzave bukuroshe.

Me qëllim prishjen e imazhit të admirueshëm që kanë krijuar në sytë e publikut Greta dhe Eni, administruesit aktualë të faqeve kanë filluar të trillojnë shpifje në lidhje me aktivitetin artistik të gjithsecilës.
Kështu, ata kanë paralajmëruar koncerte të pavërteta të të dyja motrave, duke krijuar shumë dyshime në sytë e fansave. Gjithçka është kuptuar porsa fjalori i përdorur nga mirëmbajtësit aktualë ka filluar të degjenerojë.

Publiku i gjerë që i njeh dy motrat këngëtare, ka verejtur se postime nuk jane bere nga motrat dhe menjëherë pas kësaj kanë njoftuar edhe anëtarët e tjerë për këtë anomali.

Aktualisht, faqet e vjedhura janë çaktivizuar dhe për motrat Koçi janë hapur dy faqe të reja, ben te ditur Bluetooth.
Të dyja motrat u kanë kërkuar ndjesë fansave përmes një statusi në faqet e reja të fansava:

”Përshëndetje të gjithëve. Ju kërkoj ndjesë për publikimet në faqen time zyrtare të mëparshme, e cila u “hack-ua” dhe do deaktivohet së shpejti… Tashmë kjo është faqja ime zyrtare, e cila do t’ju informojë për të gjitha aktivitetet e mia artistike dhe do jetë mundësia ime më e mirë për të komunikuar me ju. Ju uroj gjithë të mirat dhe ju falenderoj për gjithë mbështetjen. Eni”.