Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Uka nuk mund ta dëmtojë LDK-në Mon Nov 29, 2010 12:23 am | |
|  Zyrtarët e Lidhjes Demokratike të Kosovës i kanë marrë me qetësi lëvizjet e fundit të Ukë Rugovës, i cili filloi përpjekjet për t’i bërë për vete disa degë të fuqishme të kësaj partie. Ukë Rugova, i cili tash është pjesë e listës zgjedhore të Aleancës për Ardhmërinë e Kosovës, beson se disa degë të partisë që e themeloi i babai i tij do të votojnë për të më 12 dhjetor.
“Ne jemi bashkë sot pikërisht për vazhdimin e bashkëpunimit të nisur nga Ibrahim Rugova dhe Ramush Haradinaj. Ne jemi pjesë e LDK-së, por për shkak të mosreformimit të LDK-së, neve na është dashur të bëjmë koalicion me AAK-në”, ka thënë Ukë Rugova përpara fshatarëve të Nabërgjanit të Pejës, një vendbanim ky që njihet si bastion i LDK-së.
Por, Haki Rugova, i cili mban postin e nënkryetarit të LDK-së, thotë se Ukë Rugova nuk do të arrijë ta dëmtojë LDK-në, përkundër tendencës për t’u paraqitur si pjesë e kësaj partie.
“Nga ajo që unë shoh në terren, ai nuk mund të na dëmtojë. Njerëzit sigurisht se do ta votojnë atë, sepse dihet se ai është djali i një burri shumë të madh. Mirëpo, ai këtë mundet ta bëjë vetëm individualisht e jo në emër të LDK-së”, ka deklaruar Haki Rugova
|
|
