Pasi foli për artin, Pikason dhe Pirro Çakon tek e “Diela shqiptare” dhe pas një prezantimi të mirë tek “Kënga Magjike”, të gjithë kujtuan se Rezarta më në fund i ish rikthyer sërish muzikës në rrugën e duhur… por pa pritur tre ditë të mbaronte çudia, Rezi përfundoi në lajme sërish, këtë herë për rrahjen e …kujt tjetër, Rozana Radit.
Vajzat kanë pasur një mëri të hershme që prej “VIP Shpija” në Kosovë, por askush nuk mendoi se do të arrinte deri në këtë pikë. Normalisht, unë nuk do të kisha shkruar asgjë rreth këtij lajmi, për të cilin është folur tërë javën, por Rezartës nuk iu ndejt dhe shkoi të jepte një intervistë në “Pasdite në Top Channel” ku midis të tjerash përmendi dhe GAZETAT. OH JO, AJO NUK U ANKUA PËR GAZETAT! Për një femër që sapo është rrahur, ajo nuk dukej dhe aq e lënduar, megjithatë varet sesi njerëzit i përjetojnë fatkeqësitë në jetën e tyre. Midis të tjerash, këngëtarja tregoi sesi ka gazetarë që të pëlqejnë apo nuk të pëlqejnë, gazeta që i shtojnë dhe i ekzagjerojnë gjërat, për të tërhequr vëmendjen dhe për t’u shitur, duke publikuar dhe lajme që i përkasin jetës private. OK e dashur! Të zihesh andej nga liqeni me një këngëtare tjetër, nuk ka asgjë private. Fakti që ke dhënë disa intervista/prononcime rreth kësaj ngjarjeje, nuk ka asgjë private, të thuash që çështjen ia ke lënë në dorë REZARTA justifikon veten ligjit dhe ke shumë besim tek organet përkatëse, nuk është private dhe të bën ty të vetmen në Shqipëri që ke besim tek ligji dhe gjykata jonë. Shumë këngëtarë, të cilët në këto 20 vjet NJË HERË nuk kanë marrë mundimin të paguajnë një qindarkë për të reklamuar një album apo një koncert në GAZETA, kujtojnë se gazetat e gazetarët janë të mirë vetëm kur iu duhet këtyre publiciteti, që si në rastin e Rezartës edhe shumë të tjerave, po të mos ishin GAZETAT këto as nuk kishin për të ekzistuar.
Papritmazi, kur bëjnë ndonjë gabim dhe një këngë koti, për të cilat shkruhet në gazeta, këto iu drejtohen televizioneve dhe teksa mbushin minutat e një programi që nuk e sheh askush, fillojnë ankohen për GAZETAT dhe GAZETARËT, duke harruar që ajo vajza që po i bën pyetjet ËSHTË GAZETARE E DASHUR!!! E vërteta është që Rezi dhe bashkëshorti i saj shkuan tek Rozana. Ata ishin dy, Rozana ishte një. Rozana ka shenja, Rezi nuk ka. Të tjerë dëshmitarë nuk ka pasur dhe pavarësisht se ajo mund të jetë e pafajshme, bazuar në këto fakte në sy të ligjit që këngëtarja i beson kaq shumë, faji i bie Rezit ose çështja bie poshtë (Ma tha këtë një mikja ime që studion për Kriminalistikë hahaha). Hajde në Shqipërinë e lirë!
