Këtu e 73 vjet më parë në ekranet televizive u shfaq njëri prej filmave vizatimorë më i njohur dhe më i bukur i të gjitha kohëve, të cilin edhe sot e kësaj dite shikuesit më të vegjël e shikojnë me ëndje.

“Borëbardha dhe shtatë xhuxhat” të martën ka festuar ditëlindjen. Më 21 dhjetor të vitit 1937, emri i këtij animacioni u përmend për herë të parë në Hollywood, si animacioni i parë me ngjyra i realizuar në ShBA nga Walt Disney, përderisa tashti ai është i dhjeti në listën e filmave më komercialë të shekullit XX, shkruan ''Koha ditore''.
Rrëfimi i njohur për Borëbardhën bukuroshe , bazuar në përrallën e vëllezërve Grimm, për herë të parë në kinema do të shfaqej në shkurt të vitit 1938.

“Borëbardha...” është njëri prej vetëm dy filmave, të cilët Instituti Amerikan i Filmit i futi në listën e 100 filmave më të mirë amerikanë. Më 1997 ai u rendit i 49-i. Pas rifreskimit të listës ky realizim u ngjit i 34-ti.
Ndërkaq një vit më vonë AFI e shpalli atë filmin më të mirë të animuar të të gjitha kohëve.