Kryetari i AKR-së, Behgjet Pacolli, si rrallë ndonjëherë ka shpërthyer, duke shprehur gjithë atë që mund të përmbajë një botë e brendshme, por duke ruajtur maturinë dhe qetësinë, duke nxjerrë botën e brendshme, duke zbuluar psikën, ndjeshmërinë, virtuozitetin dhe humanitetin.
Në një intervistë për Bota Sot, ai nuk ngurron të flasë hapur edhe për ato çështje që në media së fundi u munduan t’i jepnin një pamje dështimi, se partia dhe koalicioni i krijuar nga ai, po shkonin drejt shembjes, si pasojë e mospajtimeve të brendshme.
Sipas tij, AKR-ja është një parti vërtet demokratike ku ka debat dhe diskutime.
“Mund të ketë divergjenca të vogla në deklarime, por kur ne përcaktojmë objektiva, ne punojmë të gjithë për realizimin e tyre. Ne nuk hymë në qeveri në 2007, me gjithë ofertat; ne nuk vodhëm apo nuk blemë vota asnjëherë”, ka thënë ai.
Lidhur me koalicionimin e mundshëm me PDK-në, ai ka thënë se nuk AKR-ja nuk ka asnjë “vijë të kuqe”.
“Ne jemi të hapur për çdo koalicion, por pas certifikimit të zgjedhjeve, që do të kryhet pas rivotimit, dhe rinumërimit të votave. Më vjen mirë se ky pozicion u afirmua sërish në një mbledhje të fundit të liderëve të Koalicionit për Kosovë të Re. Pra, në AKR nuk ka rënë tërmeti, por tregon demokraci, luftë vlerash”, ka thënë Pacolli.
