Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Koalicioni, një javë pas 9 janarit Sun Dec 26, 2010 12:34 am | |
| Kryeministri u Kosovës në largim Hashim Thaçi, njëherësh kryetar i PDK-së, beson se koalicionin qeverisës do të arrijë ta formojë një javë pasi të kryhet rivotimi në pesë komunat.
“Unë flas me bindje të plotë se që në javën e parë pas 9 janarit do ta zyrtarizojë koalicionin shumëpërfshirës dhe shumetnik”, ka thënë Thaçi në një intervistë për Kohën Ditore.
Ai nuk ka treguar se më kë do të bëjë koalicion, por tregon se kush nuk mund të bashkëqeverisë me të. Në Vetëvendosjen dhe LDK-në nuk sheh partnerë në qeverisjen e ardhshme.
“Ata që janë kundër autostradë, kundër ekonomisë së lirë të tregut, kundër privatizimit, ata që i takojnë mentalitetit të së kaluarës, dhe ata që premtojnë bashkim kombëtar elektoral, nuk mund të jenë në qeverinë time”, ka thënë Thaçi.
“Vijat e kuqe”, që i nxjerrin disa anëtarë të AAK-së për të mos hyrë në koalicion me PDK-në, Thaçi nuk i merr shumë seriozisht, ashtu sikur nuk e mohon se po t’i jepej mundësia do të vizitonte Ramush Haradinajn në Tribunalin e Hagës.
Me bindjen së është politikan më i votuar në Kosovë, ai e ndien veten përgjegjës për ta gjetur një president të mirë. Nuk thotë nëse ai mund të jetë Behgjet Pacolli, Blerim Shala, Murat Jashari apo Adem Demaçi, por konfirmon se presidenti i ri do të ketë edhe adresë politike.
|
|
