Menaxheri i Evertonit, David Moyes, thotë se ai nuk e lakmon situatën e krijuar te Manchester City, por megjithatë është i bindur se paratë sjellin edhe suksesin.

“Ju fitoni trajtimin që meritoni. City ka harxhuar shumë para në lojtarë të ri dhe ata janë në maje të ligës, dhe kjo është ajo që ngazëllen secilin. Ne nuk kemi harxhuar shumë para dhe ne jemi afër fundit. Kjo është mënyra se si shkojnë gjërat”.

“Sigurisht ne mund të jemi krenar me një fitore të tillë [2-1 në Eastlands], duke shkuar atje pa Mikel Arteta dhe Steven Pineaar dhe të mposhtim një ekip aq mirë të pozicionuar, por unë nuk do të jem i kënaqur nëse ne nuk do ta vazhdojmë atë me më shumë fitore, duke filluar me Birminghamin [ndeshje e anuluar]. Ne ende jemi shumë afër fundit të tabelës dhe disa rezultate të mira do të na bëjnë të pozicionohemi mirë”, ka thënë Moyes.