Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Kosovarët, më optimistët në rajon Tue Dec 28, 2010 4:02 am | |
| Mbi 55 për qind e qytetarëve të Kosovës presin që viti 2011 do të jetë më i mirë se viti 2010, bëjnë të ditur rezultatet e hulumtimit “Barometri global” të realizuar nga Gallup International. Sipas këtij hulumtimi, qytetarët e Kosovës janë më optimistët në rajon, ndërsa qytetarët e Serbisë janë deklaruar si më pesimistët në rajon.
Vetëm 11 për qind e serbëve kanë shprehur vlerësime optimiste, duke rezultuar si populli më pesimist në rajon, njofton agjencia e lajmeve INA. Anketa e prezantuar thekson se më pak optimistë janë edhe qytetarët e Bosnjë-Hercegovinës, Bullgarisë dhe vendet tjera evropiane.
Hulumtimi nga Gallup International është realizuar në 53 shtete ku jeton 76 për qind e popullsisë botërore. Sipas rezultateve të anketës së përgjithshme, 42 për qind e qytetarëve në botë janë optimistë se viti 2011 do të jetë më i mirë se ai i vitit 2010, ndërsa 19 për qind janë pesimistë.
Qytetarët më optimistë janë nga Suedia, Finlanda, Danimarka dhe Zvicra, ku qytetarët e këtyre vendeve theksojnë se janë më të kënaqurit në botë, nuk i mungojnë paratë dhe shpresojnë në ditë më të mira gjatë 2011. |
|
