Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Raporti i Martyt ka ndikuar në njohje Tue Dec 28, 2010 11:34 pm | |
|  Megjithëse brenda një viti pavarësia e Kosovës është njohur nga vetëm tetë vende, zëvendësministrja në largim e Punëve të Jashtme të Republikës së Kosovës, Vlora Çitaku vitin që po lëmë pas e ka cilësuar të suksesshëm për MPJ-në dhe njëkohësisht për Kosovën.
Në konferencën e fundvitit për gazetarë, Çitaku e ka përmendur si sukses vendimin e Gjykatës Ndërkombëtare të Drejtësisë (GJND) për ligjshmërinë e pavarësisë së Kosovës. Po ashtu, sukses të radhës e numëroi miratimin e Rezolutës së Asamblesë së Përgjithshme të Organizatës së Kombeve të Bashkuara.
Zëvendësministrja në largim tha se raporti i Dick Martyt ka ndikuar negativisht në perceptimin e vendeve tjera për Kosovën dhe me këtë rast tha se pret edhe angazhimin e Ministrisë së Punëve të Jashtme të Shqipërisë por edhe angazhimin e shteteve tjera mike të Kosovës për të lobuar për Kosovën.
Ajo e ka vlerësuar raportin e Dick Martyt si të pa bazë dhe i cili ka ndikuar edhe në aspektin e njohjeve.
Çitaku ka thënë se MPJ-në në vitin 2011 e presin shumë sfida, e ndër to edhe fuqizimi i subjektivitetit të vendit në arenën ndërkombëtare. |
|
