Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: AAK: Deçani është kthyer padrejtësisht në rivotim Sat Jan 08, 2011 8:28 am | |
|  Fushata e AAK-së për zgjedhjet e 9 janarit ka filluar me moton “Silluni njëjtë me kulturë dhe dinjitet si herëve tjera, duke e votuar AAK-në, dhe Ramush Haradinajn”.
“Me fajin e tjerëve, për të vënë balancë politike, instrumentalizojnë votën e qytetarëve. E shndërrojnë procesin zgjedhor që nuk e meriton Kosova. Po na humbin imazhin tonë, po na humbin imazhin e Kosovës, ata që për tri vjet keqqeverisën, që i ofruan një varfri popullit të Kosovës, nuk ofruan investime për rimëkëmbjen e ekonomisë në Kosovë”, ka thënë nënkryetari i AAK-së, Ahmet Isufi.
Edhe Steven Shook ishte në përkrahje të AAK-së në Deçan. Ai e ka përshkruar gjendjen në Kosovë si ajo menjëherë pas vitit 1999, duke kërkuar pastaj nga qytetarët e Deçanit që të dalin në votim dhe të votojnë për Ramush Haradinajn.
Kandidati për deputet, Daut Haradinaj, ka thënë se Deçani është kthyer padrejtësisht në rivotim. “Deçani ka dëshmuar që është i nivelit më të lartë të kulturës. Deçani edhe kësaj radhe, më 9 janar do ta dëshmojë nivelin e lartë të demokracisë do t’i vlerësojë kandidatët për deputet në veçanti do të vlerësojë dhe votojë numrin 43”, tha Haradinaj.
“Me votën tuaj do të dëshmoni që KQZ-ja padrejtësisht e ka thyer Deçanin në rivotim. Nëse do të kishte demokraci dhe vlerësim të drejtë, KQZ-ja është dashur ta rikthejë gjithë Kosovën në rivotim”, ka vlerësuar Daut Haradinaj, duke kritikuar Qeverinë Thaçi për vjedhje në mënyrë të organizuar të votave dhe dëmtimin e procesit zgjedhor”. |
|
