Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Jo koalicionit me PDK-në Sat Jan 08, 2011 8:31 am | |
|  “Kurrsesi dhe në asnjë mënyrë nuk do të bëjmë koalicion me PDK-në”, ka thënë lideri i LDK-së, Isa Mustafa, në takimin përmbyllës të fushatës, të mbajtur të premten në Isniq të Deçanit. Ai pasi ka shprehur keqardhje për abuzimet me vota dhe rivotimet, ka treguar se e gjithë kjo ka ardhur pa fajin e LDK-së, por sipas tij është fakt se është dhunuar vota e qytetarëve dhe është sjellë në pikëpyetje legjitimiteti i zgjedhjeve, por edhe i qeverisjes së ardhshme.
“Nuk mund të kemi parlament dhe institucione të dala nga zgjedhjet, të cilat nuk kanë legjitimitetin e qytetarëve”, ka theksuar Musatafa, i cili ka kërkuar votën e deçanasve për subjektin e tij politik.
Mustafa, siç njofton Zëri, ka kërkuar edhe ndryshimin e sistemit zgjedhor, i cili nuk le mundësi për manipulime siç ndodhën në zgjedhjet e 12 dhjetorit. “Askush nuk ka të drejtë të prekë votën dhe besimin qytetar, ndaj zgjedhjet duhet të kenë legjitimitetin e duhur”, ka nënvizuar ai, i bindur se grafikoni i përqindjes së LDK-së do të rritet në zgjedhjet e 9 janarit.
Ndërkaq, Sabri Hamiti, nënkryetar i LDK-së ka thënë se “ka vetëm një LDK dhe kurrsesi grupacione tjera që thirrën në emër të vlerave të saj dhe të filozofisë rugoviane”. Sipas tij, fuqia e atyre që mund të bëjnë ndryshime në këtë vend, gjendet brenda LDK-së, si për ka tradita e qeverisjes, ashtu edhe për potencialin e saj kuadrovik. |
|
