WebMaster
Off line ™
Numri i postimeve : 2045
Data regjis. : 30/09/2009
Location : Prishtinë
 |  Titulli: Nis rinumërimi i 92 vendvotimeve të rivotimit Thu Jan 13, 2011 4:40 am | |
|  Prishtinë, 12 janar (E plotësuar) - Ka nisur rinumërimi i 92 vendvotimeve të Skenderajt, Drenasit dhe Deçanit. Ndërsa 27 vendvotime të tjera janë duke u hetuar. Lajmi është konfirmuar nga Komisioni Qendror i Zgjedhjeve, sipas të cilit rinumërimi ka nisur në bazë të rekomandimeve të marra nga Qendra e Numërimit dhe e Rezultateve. Kryeshefi i Sekretariatit të KQZ-së , Xhemail Peqani i ka thënë KTV-së se pas rinumërimit dhe hetimit, që pritet të përfundoj nesër, do të merret një vendim për këto komuna. Ai nuk ka përjashtuar mundësinë që në 27 vendvotimet që janë duke u hetuar, mund të rivotohet përsëri, nëse ka shumë parregullsi. Nga 92 vendvotime, 40 janë nga komuna e Drenasit, 33 e Skenderajt, 17 nga Deçani dhe nga një vendvotim në Malishevë e Lipjan. Rinumërimi dhe hetimi i votave të 9 janarit ka ardhur pas mospërputhjes të të dhënave në formularët përfundimtar të votave. Procesi i rivotimit të 9 janarit nuk ka kaluar hiç më mirë sesa ai i 12 dhjetorit. Subjektet politike kanë dërguar 61 ankesa në Panelin Zgjedhor të Ankesave dhe Parashtresave. Ky institucion ka kohë deri të enjten për shqyrtimin e tyre. |
|
