Në ditën e fundit të afatit kalimtar dimëror, një mori lëvizjesh befasuese janë në rrugë për t’u realizuar. Chelsea tashmë ka arritur marrëveshje me Liverpoolin për Fernando Torres, ndërsa Redsat kanë arritur marrëveshje me Newcastle për Andy Carroll. Jo më pak interesante janë edhe lëvizjet në Serie A dhe La Liga. Ndiqni çdo risi të freskuar minutë pas minute...
21:15 – Ireland i bashkohet Newcastlet
Pasi ka shitur Andy Carroll te Liverpooli për 35 milionë funte, Newcastle është hedhur në përforcimet e veta. Steven Ireland është përforcimi i radhës për Newcastle, që në të vërtetë arrin si huazim nga Aston Villa.
21:00 – Gudjohnsen mbetet te Stoke
Eidur Gudjohnsen ka thënë se ai do të vazhdojë të luajë për Stoke Cityn edhe në pjesën e mbetur të sezonit. “Duket sikur do të jem në fushën stërvitore të Stoke nesër. Jo, nuk jam i zhgënjyer, është një klub i mrekullueshëm”, ka thënë Gudjohnsen.
20:50 – Zyrtare: Liverpooli dhe Chelsea arrijnë marrëveshje për Torres
Liverpooli ka pohuar se ka arritur marrëveshje me Chelsean për të lejuar largimin e sulmuesit kryesor, Fernando Torres. Spanjolli edhe pse kaloi një sezon të dobët me Redsat, shitet për një shumë rekorde për transferimet në mes klubeve britanike, plot 50 milionë funte. Ai pritet më vonë të nënshkruajë me Blutë.
19:40 – Chelsea ofron 25 milionë për David Luiz
Chelsea raportohet se ka ofruar 20 milionë funte dhe mbrojtësin Nemanja Matic që vlerësohet 5 milionë euro, për të marrë shërbimet e mbrojtësit të Benficas, David Luiz.
19:30 – Asgjë zyrtare për Luis Suarez
Ende nuk ka asgjë zyrtare për Luis Suarez, i cili sot duhej të kalojë testet mjekësore dhe të nënshkruajë me Liverpoolin. Problemi mund të jetë te dokumentacioni i tij, i cili duhet të kompletohet, ndërsa ai po ashtu ka nevojë për leje pune. Ai raportohet se do të mbajë fanellën me numër shtatë.
19:20 – Charlie Adam drejt Liverpoolit
Pasi mposhti Tottenhamin dhe arriti arritur marrëveshje me Newcastle Unite për Andy Carroll, Liverpooli duket se është në rrugë për të sjellë edhe një përforcim të radhës. Kësaj here Redsat do të mposhtin Manchester United për të nënshkruar me Charlie Adam. Mediat angleze shkruajnë se mesfushori i Blackpool është në Liverpool dhe pritet të nënshkruajë më vonë.
19:10 – Torres iu nënshtrohet testeve te Chelsea
Mediat angleze shkruajnë se Fernando Torres pritet t’u nënshtrohet testeve mjekësore te Chelsea para se të nënshkruajë marrëveshjen rekorde për transferimin mes dy klubeve britanike. Chelsea thuhet se ka bërë ofertë në vlerën e 50 milionë eurove për sulmuesin spanjoll i cili po ashtu pritet të jetë më i paguari me 175 mijë funte në javë.
19:05 – Fulhami pas Gudjohnsen
Fulhami është duke menduar të bëjë një tentim të vonshëm për të transferuar sulmuesin e Stoke Cityt, Eidur Gudjohnsen. Për sulmuesin islandez në negociata është edhe klubi holandez Ajax.
18:55 – Atletico refuzon ofertën e Tottenhamit për Forlan
Lajmet e fundit nga Spanja thonë se Atletico Madrid ka refuzuar një ofertë në vlerën e 15 milionë eurove nga Tottenham për sulmuesin Diego Forlan. Mbetet të shihet kah do të kthehen Spurs, pasi tashmë kanë humbur betejën me Liverpoolin për sulmuesin e Newcastle, Andy Carroll.
18:50 – Werderi nënshkruar me Samuel
Werder Bremen ka nënshkruar me mbrojtësin Samuel Firmino de Jesus.
18:46 – Zyrtare: Newcastle dhe Liverpool arrijnë marrëveshje për Carroll
Newcastle Untied dhe Liverpool që të dyja klubet kanë konfirmuar se kanë arritur marrëveshje për transferimin e sulmuesit Andy Carroll për një ‘rekord të ri britanik të transferimeve’, që thuhet të jetë 35 milionë funte. Sulmuesi është duke negociuar kushtet personale me Redsat.
18:45 – Zyrtare: Fiorentina huazon Dalbelon te Cesena
Fiorentina ka konfirmuar se ka arritur marrëveshje me Cesenan për të lejuar largimin e mbrojtësit Felipe Dalbelo në formë huazimi deri në fund të sezonit.
18:40 – Villarreali bën ofertë për Lucas
Nga Spanja vijnë lajme se Villarreali është duke bërë ofertë për mesfushorin e Liverpoolit, Lucas Leiva.
18:33 – Ineri nënshkruan me Nagatomo
Kampioni i Italisë, Evropës dhe Botës në nivel klubesh, Inter, ka nënshkruar me Yuto Nagatomo nga Cesena. Nerazzurët kanë paguar gjashtë milionë euro për mbrojtësin japonez.
18:30 – Liverpooli diskuton kushtet personale me Carroll
Liverpooli ka fituar të drejtën të negociojë për kushtet personale me Andy Carroll. Newcastle United duket se ka pranuar ofertën e Redsave dhe gjithçka tashmë është në duart e sulmuesit anglez. Ende asgjë në lidhje me largimin e Fernando Torres në drejtim të Chelseat.
18:28 – Wolfsburg nënshkruan me Tuncay dhe Jan Polan
Ish-kampioni i Bundesligës, Wolfsburg, ka kompletuar nënshkrimin me sulmuesin e Stoke City, Tuncay Sanli, dhe mesfushorin e Anderlecht, Jan Polak.
18:20 – Spurs vjedhin sulmuesin Andy Carroll?
Tottenham Hotspurs mund ta mposhtë Liverpoolin në garë për transferimin e sulmuesit të Newcatle United, Andy Carroll. Tottenham raportohet se dëshiron të ofrojë më shumë se 35 milionë funte, sa ka kërkuar Newcastle për sulmuesin e vet, por mund të përfshirë edhe sulmuesin shtatlartë Peter Crouch në ofertë.
18: 18 – Juve pas Matri
Juventusi raportohet se është duke dashur të nënshkruajë me Alessandro Matri në çastet e fundit të mbylljes së afatit kalimtar. Biankonerët janë kthyer kah sulmuesi i Cagliarit pasi kanë marrë përgjigje negative nga Real Madridi për Karim Benzema.
18:15 – Chelsea ka ofruar 50 milionë për Torres
Oferta e Chelseat për sulmuesin e Liverpoolit, Fernando Torres, besohet të jetë në verën e 50 milionë funteve. Megjithatë gjithçka ka mbetur në mjegull dhe asgjë konkrete për këtë transferim.
18:10 – Newcastle kthehet kah Carlton Cole
Newcastle United është kthyer kah sulmuesi i West Ham United, Carlton Cole, të cilin e sheh si zëvendësim për Andy Carroll i cili pritet të largohet në drejtim të Liverpoolit. Megjithatë klubi londinez ka thënë se nuk ka pranuar ofertë nga Newcastle për sulmuesin kryesor të ekipit.?
18:05 – Tottenhami kthehet kah Rossi?
Tottenhami duket se nuk po gjen sulmuesin e duhur. Sport raportohet se tash janë kthyer kah Giuseppe Rossi për të cilin janë të gatshëm të ofrojnë 37 milionë euro, bëjnë të ditur burime nga Italia. Italiani javën e kaluar nënshkroi marrëveshje të re me Villarrealin.
17:55 – Schalke nënshkruan me Ali Karimi
Klubi i Bundesligës, Schalke, ka nënshkruar me mesfushorin Ali Karimi nga klubi iranian Steel Azin
17:20 – Zyrtare: Martins lojtar i Birminghamit
Birmingham City ka nënshkruar me Obafemi Martins nga Rubin Kazan. Ish-sulmuesi i Interit ka nënshkruar marrëveshje gjashtëmujore huazimi pasi ka kaluar teste mjekësore.
17:10 – United pas Charlie Adam?
Mediat angleze spekulojnë se Manchester United ka bërë një ofertë të vonshme për mesfushorin e Blackpool, Charlie Adam. Për skocezin i interesuar është edhe Liverpooli.
16:45 – Villarreali transferon Monteron
Villarreali raportohet se ka arritur marrëveshje për të huazuar Jefferson Montero nga Levante. Lëvizjet në kampionatin spanjoll duken më të qeta, me dy klubet më të mëdha, Barcelona dhe Real Madrid, të cilat nuk janë aq aktive në këtë afat kalimtar.
16:15 – Newcastle pranon ofertën e Liverpoolit për Carroll?
Mediat angleze shkruajnë se Newcastle United ka pranuar ofertën e Liverpoolit për Andy Carroll. Redsat raportohet se janë të gatshëm të paguajnë 35 milionë funte, sa Newcastle kërkon për sulmuesin.
16:05 – Zyrtare: Muntari nënshkruan me Sunderlandin
Sulley Muntari është larguar nga Interi për të nënshkruar në formë huazimi me Sunderlandin. Lajmin e ka konfirmuar vetë kampioni i Italisë, ndërsa ganezi do të ketë mundësi që në fund të sezonit ta shndërrojë marrëveshjen në të përhershme.
15:58 – Andy Carroll kushton 35 milionë funte!
E përditshmja britanike Telegraph thotë se Newcastle tashmë ka vendosur çmim për Andy Carroll – plot 35 milionë funte.
15:48 – Torres më i paguari te Chelsea?
Lajmet e fundit nga Spanja thonë se Fernando Torres do të fitojë plot 175 milionë funte në javë te Chelsea. Dy futbollistët më të paguar te Chelsea janë John Terry dhe Frank Lampard me 150 mijë funte në javë.
15:40 – Amauri në rrugë drejt Parmës
Sulmuesi i Juventusit, Amauri, pritet t’i bashkohet Parmës pasi refuzoi interesimin nga disa klube angleze. Agjenti i lojtarit më herët tha se klubet angleze të cilat interesoheshim për Amaurin, nuk ishin në nivelin e tij.
15:35 – Torres në Londër për të nënshkruar me Chelsean
Fernando Torres raportohet se është duke arritur në Londër për të kompletuar transferimin e tij nga Liverpooli te Chelseat. Lajmin e bën të ditur Sky, dhe kjo pritet të ndodhë brenda disa orëve.
15:25 – Redknapp mohon ofertën për Aguero
Menaxheri i Tottenhamit, Harry Redknapp, ka mohuar spekulimet për një transferim sensacional të yllit të Atletico Madrid, Sergio Aguero. Spursat u raportua se kishin bërë një ofertë në vlerën e 45 milionë eurove për argjentinasin.
15:23 – Drenthe kërkon të transferohet te Juventus
Royston Drenthe raportohet se ka kërkuar nga Hercules ta lejojë atë të largohet me qëllim që t’i bashkohet Juventusit. Klubi italian është duke kërkuar një marrëveshje në formë huazimi me mundësi të nënshkrimit në formë të përhershme me holandezin.
15:15 – Arsenali dhe Villa pas Shay Given
Arsenali dhe Aston Villa raportohet se po qëndrojnë në pritë për portierin e Manchester Cityt, Shay Given. Klubi nga Eastlands raportohet se është në negociata për të transferuar portierin e Cagliarit, Federico Marchetti. Nëse një lëvizje e tillë ndodh në orët në vazhdim, largimi i Given do të bëhet edhe më i realizueshëm.
15:10 – Liverpooli pas Shaun Wright-Phillips
Liverpooli raportohet se mund të kthehet kah Shaun Wright-Phillips. Mesfushori i Cityt kërkon të largohet nga Eastland, ndërsa nëse Redsat dështojnë të transferojnë Sebastian Larsson nga Birmingham, Wright-Phillips do të jetë caku i radhës.
15:06 – Torres diskuton kushtet personale me Chelsean?
Sipas BBC, kushtet personale janë barriera e vetme e mundshme tash për një transferim të Fernando Torres te Chelsea. Sipas gjasave sulmuesi spanjoll do të ndërrojë ngjyrën e fanellës dhe tash e tutje do ta veshë atë Blu.
15:03 – Aguero: Nuk largohem nga Atletico
Sergio Aguero është zotuar se ai do t’i mbetet besnik Atletico Madrid. “Do të qëndroj këtu pasi dua të qëndroj”, ka thënë Aguero. Mbetet të shitet nëse Atletico Madrid do të arrijë ta mbajë edhe sulmuesin Diego Forlan.
14:55 – Suarez do të mbajë fanellën me numër shtatë
Luis Suarez raportohet se do të mbajë fanellën me numër shtatë te Liverpooli. Sulmuesi i Ajaxit raportohet se ka kaluar testet mjekësore dhe mungon vetëm zyrtarizimi i transferimit të tij.
14:52 – Liverpooli me ofertë për Andy Carroll
Liverpooli besohet se është i gatshëm të bëjë një ofertë të re për Andy Carroll. Newcastle dje u raportua se refuzoi një ofertë të Tottenhamit që kapte shifrën e 25 milionë funteve.
14:49 – Ashley Young nuk largohet nga Aston Villa
Trajneri i Aston Villas, Gerard Houllier, ka mohuar spekulimet se anësori Ashley Young do të largohet nga klubi. “Nuk ka shanse që Ashley Young të largohet”, ka qenë i qartë Houllier. Young ishte cak i Liverpoolit dhe nga mediat angleze shihej si çelës i largimit të Fernando Torres në drejtim të Chelseat.
14:42 – Reali refuzon ofertën e Juves për Benzema
Raportet nga Italia thonë se Real Madridi ka refuzuar një ofertë të Juventusit për të huazuar sulmuesin francez Karim Benzema.
14:38 – Aguerro mund të shitet për çmimin e duhur
Presidenti i Atletico Madrid, Enrique Cerezo, thotë se ‘ne nuk do ta shesim të gjithë klubin’, por ai ka pranuar se mund të shesë prej top talenteve të klubit për çmimin e duhur – madje edhe Sergio Agueron.
14: 34 – Ajaxi afër Gudjohnsen
Ajaxi është në negociata për të transferuar Eidur Gudjohnsen, bën të ditur Sky. Zyrtarë të klubit holandez kanë udhëtuar në Angli për të negociuar me Stoke dhe për të arritur një marrëveshje për sulmuesin islandez.
14: 25 – Legrottaglie i bashkohet Milanit
Nicola Legrottaglie i është bashkuar Milanit nga Juventusi. Mbrojtësi italian ka nënshkruar marrëveshje gjashtëmuajshe me Rossonerët me mundësi vazhdimi edhe për një vit. Legrottaglie transferohet si lojtar i lirë.
14: 20 – Asgjë konkrete për transferimin e Torres te Chelsea
Burme nga Spanja bëjnë të ditur se Fernando Torres është në rrugë për të kaluar në Stamford Bridge. Por ende asnjë marrëveshje nuk është arritur në mes të Chelseat dhe Liverpoolit për sulmuesin spanjoll.
14:10 – Tottenham bën ofertë për Forlan
Lajme të bujshme vijnë nga Spanja. Tottenhami raportohet se ka dërguar ofertë në drejtim të Atletico Madrid për të transferuar lojtarin më të mirë të Kupës Botërore, sulmuesin uruguaian Diego Forlan. Harry Redknapp ka konfirmuar se ai në mënyrë të veçantë kishte përcjellë Forlan në derbin madrilen së fundi dhe oferta është bërë sot.
14:06 – Ende asgjë nga transferimi i Oxlade-Chamberlain te Arsenali
Southampton raportohet se është duke kërkuar një marrëveshje në vlerën e 10 milionë funteve për të lejuar largimin e Alex Oxlade-Chamberlain. Por oferta e Arsenalit për mesfushorin është ca më e ulët se shifra që kërkon klubi i divizionit të tretë në kampionatin anglez (League One).
14:02 – Santander kërkon Dos Santos
Racing Santander raportohet se ka bërë ofertë për të huazuar Giovani dos Santos nga Tottenhami. Klubi spanjoll po ashtu është duke kërkuar një transferim të Milan Jovanovic nga Liverpooli.
14:00 – Chelsae insiston për David Luiz
Chelsea raportohet se u është rikthyer negociatave për të transferuar mbrojtësin e Benficas, David Luiz. Portugezi ka qenë caku kryesor i trajnerit të Bluve, Carlo Ancelotti, për këtë afat kalimtar.
13:57 – Carlos drejt West Hamit?
Siç përcjellin mediat angleze, ende nuk ka asgjë rreth thashethemeve se Roberto Carlos është në rrugë për t’u transferuar te West Ham! Lajmi së fundi kishte dalë nga BBC, por duket se nuk do të ketë asgjë konkrete nga kjo.
