Këngëtarja e njohur kosovare, Kaltrina Selimi, vazhdon te jete e pelqyer nga publiku.
Kënga “Zero” qe u promovua për xhirimet e Vitit të ri, po pëlqehet shumë, ndersa ajo po punon per materiale te reja muzikore.

''Kemi xhiruar tashmë disa skena të klipit të këngës më të fundit, të cilën veçse e kam lansuar në programet festive të Vitit të Ri. Kemi mbetur të xhirojmë edhe skena të tjera në vende të hapura, të cilat për shkak te motit të papërshtatshëm nuk kemi mundësi t’i xhirojmë,'' ka treguar ajo per ''Kosova sot''.

''Meqenëse këngën e kam lansuar më herët, patjetër që nuk mund ta lë për më vonë që t’ia realizojë klipin, ngase kam në plan që para sezonit ta lansoj dhe një këngë të re, për të cilën jam duke punuar qysh tani,'' ka shtuar ajo.

Kaltrina eshte e angazhuar edhe per projekte të reja, pasi eshte në bisedime me disa kompozitorë për të punuar edhe këngë të tjera, ndersa ka bere te ditur se nuk ka ne plan te marre pjese ne ndonje festival gjate ketij viti.