Vëllezërit Musliman reagojnë për mosnjohjen e Kosovës
"Vëllezërit Musliman" e cilësojnë si "misterioze dhe të pa justifikueshme" mosnjohjen e pavarësisë së Kosovës.



Autor: Salahudin Ahmed


Dr. Xhemal Zahran, deputet i Parlamentit egjiptian nga radhët e lëvizjes së "Vëllezërve Musliman", ka kërkuar mbajtjen e një mbledhjeje urgjente të Komitetit për Marrëdhënieve me Jashtë në Parlamentin e Egjiptit dhe atë në praninë e Ministrit të Punëve të Jashteme, z.Ahmad Ebul Gajt, për të sqaruar atë që ai e përshkroi si "pozicioni i paqartë dhe i pajustifikuar" i Qeverisë së Egjiptit ndaj shtetit të Kosovës, i cili e ka shpallur pavarësinë më 17 shkurt 2008, pasi që deri më tani Egjipti nuk e ka njohur këtë shtet!

Ai në kërkesën e tij drejtuar Kryetarit të Parlamentit, z.Ahmed Nadhif, kritikoi Kryeministrin dhe Ministrin e Punëve të Jashtme për mosrespektim të Parlamentit dhe deputetët e tij me mos përgjigjen në pyetjen e tij urgjente para tre muaj e gjysmë për këtë çështje, edhe pse Rregullorja e Punës së Parlamentit detyron Qeverinë që të jap përgjigje.

Ai shpreh habinë se deri kur Qeveria do t'i shmanget dhënies së përgjigjes ndaj parlamentarëve, e po ashtu kërkoi shkaqet mbi të cilat bazohet Qeveria për mosnjohjen e Kosovës, e cila gëzoi autonomi pas ndarjes nga Federata e Jugosllavisë.

Gjithashtu ka pyetur për shkaqet që e bënë Egjiptin të tërhiqet nga qëndrimet e tij që i ka pasur në përkrahjen e lëvizjeve të popujve për liri, apo mos shteti i Ez-herit ka ndërruar qëndrimet dhe politikat e veta të jashtme e të mos e njohin një shtet me popullsi muslimane, që i ishte nënshtruar një dhune dhe gjenocidi nga aparati shtetëror serb, shtet ky i cili gjenocid të njëjtë bëri edhe ndaj popullit musliman të Bosnjës, ku ranë shehid qindra mijëra njerëz. A thua është duke pritur të jetë në "bisht" të shteteve, të cilat do ta njohin Kosovën?

Me këtë rast ai potencoi edhe kundërshtitë e pa logjikshme në qëndrimet e politikës së jashtme të shtetit egjiptian, sidomos kur dihet se Egjipti e ka njohur pavarësinë e Bosnje dhe Hercegovinës. Parlamentari ka cekur se çështja duhet diskutuar dhe debatuar në praninë e Ministrit kompetent deri sa të qartësohet qëndrimi i pa justifikueshme dhe misterioz për të gjithë, sidomos kur dihet se populli bën pyetje deputetëve e deputetët nuk janë në gjendje t'u përgjigjen atyre për shkak të shpërfilljes së Parlamentit nga ana e Qeverisë.

www.almesryoon.com