Denis Bega, talent qe premton

14 vjecari Denis Bega nga Ferizaji, është i zgjedhur në mesin e 70 lojtarëve nga e tërë Zvicra për seleksion të mundshëm në ekipën e Zvicrës të moshave më pak se 16 vjet, ndryshe M16.

Denisi, ka lindur në Nyon (kryeqendrën e UEFA-s) me 11.09.1995, nga prindërit Sania dhe Lutfiu, të ardhur nga Ferizaj në Zvicër më 1988 të cilët me rrugë të rregullt sezonale morrën lejeqëndrimin. Denisi ka një vëlla Besnikin dhe një motër të vogël Lorenën.

Prej moshës së tij 6 vjeçare Denisi së bashku me vëllain e tij Besnikin regjistrohen në klubin e fudbollit “Stade Nayonaise” nga Nyoni duke kaluar me sukses të dalluar të gjitha grupmoshat, ose të gjitha kategoritë e grupmoshave të futbollit. Denisi që në hapat e tij të parë dallon pak nga vëllai, dhe me punë dhe disciplinë arrin deri te ekipi i seleksionit të kantonit Vaud, dhe tani është i zgjedhur në mesin e mbi 70 lojtarëve nga e tërë Zvicra për seleksion të mundshëm në ekipën e Zvicrës të moshave më pak se 16 vjet, ndryshe M16.




Të motivuar nga bashkëmoshatarët e tyre që morrën titullin e kampionit botëror në Nigeri të moshave M17, disa lojtarë me origjinë shqiptare janë në ekipe të forta, të zgjedhura, dhe që participojnë në nivel të lartë organizativ, pra shokë të Denisit, siç është Amiri, Omeri, dhe sipas trajnerëve të tyre kuptojmë se në pyetje janë vërtetë talent prej të cilëve pritet shumë, dhe që mund pa mëdyshje të luajnë për cilin do klub në të ardhmen.

Denisit i është ofruar shansi i mirë që të zgjidhet në seleksionin e Zvicrës të grupmoshave 15vjeçare, që tregon se jo rastësisht trajnerët e zgjodhën në mesin e një konkurence të pa kompromis sepse vërtetë është vështirë të bëhet zgjedhja, por sytë e trajnerëve shohin atë që nuk e shohim ne tjerët dhe Denisi është tani më në grupin e më të mirëve për seleksion me plot meritë.

Me shpresë se do të dëgjojmë edhe në të ardhmen për Denisin dhe shokët e tij, për të cilët ndoshta do të bëjmë gjithashtu ndonjë intervistë të shkurtë, ne i dëshirojmë Denisit sukses, dhe arritje sa më të shpejtë deri në majat më të larta të futbollit. Ai futbollin e ka në zemër, kështu u shpreh gjatë bisedës tonë, ndërsa mbështetja e prindit, gjegjësisht babait të tij Lutfiut nuk do të mungon asnjëherë. (nga Alisetar Ramadani, Nyon)