Mbetjet e një sateliti të vjetër, që peshojnë rreth 5 tonë, pritet të hyjnë në atmosferën tonë dhe të përplasen më tokën në ditët e fundit të shtatorit, ose në ditët e para të tetorit.

Sipas NASA-s bëhet fjalë për mbetjet e satelitit Upper Atmosphere Research Satellite (UARS), i lëshuar në orbitë në vitin 2001 me mision studimin e dukurive mes atmosferës tokësore dhe diellit. Falë UARS, u zbuluan për herë të parë vrimat e ozonit në skajet e atmosferës.

NASA thotë sateliti nuk do të mund të shkrijë plotësisht në atmosferë, dhe një pjesë e tij do të bjerë në tokë. Agjencia amerikane, shton se për momentin nuk mund të përcaktojë se në cilën pjesë të globit do të bien mbetet e UARS.