Leroy Luetscher ishte duke punuar në kopsht, kur i ranë një palë gërshërë pemëtarie dhe teksa tentoi t’i merrte, rrëshqiti mbi to me fytyrë, duke i hyrë një pjesë në sy. E nuk i hynë pak, por shumë thellë. “Nuk do t’i kishit besuar syve - ka deklaruar kirurgia Julie Wynne, e cila e operoi për t'ia nxjerrë -. Gjysma e gërshërëve ishin jashtë, ndërsa pjesa tjetër gjendej brenda kokës”.
Syri i burrit u shpëtua plotësisht pas nxjerrjes së gërshërëve dhe tashmë Leroy nuk duket se do të vuajë ndonjë dëm. “Ndihem me fat që jam ende i gjallë – ka treguar zoti Luetscher – dhe fatmirësisht, incidenti që më ndodhi nuk preku asnjë organ jetësor”. Një histori jo fort e besueshme nga një pjesë e mirë e atyre që e kanë dëgjuar, por ja që Leroy dhe mjeku që e operoi thonë me forcë të kundërtën.