Medina Mikë/e i/e Forum-it
Numri i postimeve : 17104 Data regjis. : 12/11/2009 Age : 34 Location : Tek Parajsa Pa Drita
| Titulli: Kur unazat e marteses rreshqasin ne gishtat tuaj Thu Oct 06, 2011 9:42 pm | |
| Problemi që qëndron në zemër të martesës moderne dhe arsyes së statistikave shumë të larta të divorceve, është se jeta familjare shkatërron dëshirën seksuale, pavarësisht se sa i dashuruar mund të jetë çifti. Me fjalë të tjera, seksi dhe martesa nuk janë gjithmonë të pajtueshme. Studiuesit shprehen se ekziston një paradoks mes nevojës për siguri, familjaritet dhe parashikueshmëri, të cilët kërkojmë në marrëdhëniet afatgjata, dhe fakti se erotizmi lulëzon me gjërat e reja, misterin dhe rrezikun. Krijon një tension mes nevojës sonë për siguri dhe për aventurë. Dashuri dhe dëshirë: janë të lidhura dhe bien ndesh. Terapistja nga Belgjika argumenton se, ndryshe nga dashuria, ngacmimi seksual nuk luan me rregullat e qytetarisë së mirë. Ajo harliset me lojërat e pushtetit, avantazhet e padrejta, ndryshimet e rolit, manipulimeve joshëse dhe egërsive delikate. Të gjitha këto i hedhim mënjanë në momentin që unazat e martesës rrëshqasin në gishtat tonë. Dëshira seksuale Natyra themelore e dëshirës nuk ndryshon. Shumë nga çiftet që ndahen nuk janë më pak të zotë se ata që qëndrojnë bashkë. Të tjerë kanë durim të presin pak më gjatë, dhe kanë një fije shprese. Shpesh e kanë përjetuar atë shkëndijë dhe janë të bindur se ajo do të kthehet. Ajo nga e cila njerëzit largohen është një ndjenjë e pajetë. E kundërta e lidhjes me dikë është kur shtrihesh pranë tij dhe përjeton vdekjen, dhe kjo është e tmerrshme. Por të gjithë çifte ku ndjenja e dashurisë është fshehur kalojë përmes kësaj. Ekspertët sugjerojnë se sekreti i suksesit martesor nuk është vetëm familjariteti, por t’i lesh edhe hapësirë partnerit. Kultura moderne na thotë vazhdimisht se zgjidhja e konfliktit mes dashurisë dhe dëshirës është rritja e afërsisë. Nëse flasim më shumë, do të ndajmë më shumë dhe do të komunikojmë më shumë, dhe kjo do të sjellë një marrëdhënie seksuale më të mirë. Jo vetëm mungesa e intimitetit frenon dëshirën seksuale, por edhe tepria e tij. Në jetën tonë dashurore duam afërsi, por dëshira seksuale ka nevojë për hapësirë. Nuk ka asgjë të keqe afërsia e ngushtë, por nuk është shenjë e mirë për erotizmin. Afrimiteti dhe largësia Partneri ynë bëhet i njohur dhe vëllazëror, dhe seksi ka nevojë për të panjohurën, rrezikun dhe harlisjen. Nëse ju e shihni partnerin dhe ai apo ajo ka diçka që të habit, edhe pse për një moment, atëherë keni rigjetur atë që kishit humbur. Tensioni mes sigurisë dhe aventurës dyfishohet kur vijnë fëmijët”, shton ajo. Erotizmi kundërshton ndrydhjen. Por ajo që vëmë re tek familjet me fëmijë është se energjia nuk është larguar nga shtëpia, por vetëm se është ridrejtuar nga fëmijët. Duhet kjo energji të drejtohet edhe tek partneri. Jo i gjithë kontakti fizik në shtëpi, si përqafimet dhe puthjet, duhet të jenë të fëmijëve. Në fakt sipas studiuesve fëmijëve duhet t’i bëhet e qartë se po aq shumë sa doni ata, doni dhe partnerin tuaj. Ata sugjerojnë rikthimin e magjisë për një çift. Së pari, shkëndija nuk vjen natyrshëm. Duhet të jini të gatshëm dhe të vullnetshëm për dëshirën. Nëse prisni momentin e duhur, kurrë nuk do të vijë. Duhet ta bëni të ndodhë, ta paramendoni atë. Për shembull të lini një takim me partnerin tuaj, apo të organizoni një darkë speciale për të. |
|