Gruaja më e shkurtë në botë është një nxënëse e shkollës së mesme nga India e cila është e gjatë 62.8 centimetra, njoftoi të premten organizata e rekordeve Guinness. Jyoti Amge mori titullin në ditëlindjen e 18-të, që e festoi në gjirin familjar në Nagpur, 520 kilometra në lindje të Bombait, në perëndim të Indisë.

“Amge është e gjatë 62.8 centimetra. Është matur tri herë Brenda 24 orëve, sepse gjatësia mund të ndryshojë rrejshëm brenda një dite”, tha Rob Molloy, zyrtar i rekordeve të Guinnessit për agjencinë e lajmeve AFP. “Mjekët e matën tri herë në pozicion të shtrirë derisa ne ishim të pranishëm. Zgjodhëm vlerën e mesme”, tha ai.

Në prani të babait Kisan dhe nënës Ranjana, vajza e re me buzëqeshje në fytyrë mori certifikatën e Guinnessit. “Jam shumë e gëzuar që kam fituar në këtë rekord”, tha vajza, e cila ishte e veshur me kostumin tradicional sari.

Sipas babait të vajzës, Jyoti Amge, e cila vuan nga ahondroplazia, sëmundje e eshtrave tek të cilët trupi mbetet në madhësinë e fëmijës katër muajsh, ajo ëndërron të bëjë karrierë në kinematografinë e Bollywoodit.

Rekordin paraprak si gruaja më e shkurtë në botë e mbante një amerikania Bridget Jordan nga SHBA-të e cila ishte e gjatë vetëm 69.49 centimetra

~lambiano~