Gjatë kësaj jave ka filluar puna testuese e një shërbimi bukur interesant online. Në adresën Movieclips.com do të mund të gjeni një numër të madh të pjesëve të filmave të njohur hollivudian.
Movieclips.com nuk ofron filmat komplet, mirëpo ekskluzivisht pjesët më të mira të tyre. Qëllimi i shërbimit është që t’u ofrojë shfrytëzuesve shfletim të thjesht të momenteve më të mira të filmave të rinj dhe atyre legjendarë, të cilët ndryshe përmenden kur përshkruhet një film i caktuar.

Edhe pse është në fazën e vet testuese të punës, Movieclips.com qysh tani ofron mjaft: veç vet shfletimit të pjesëve të filmave sipas parametrave të shumtë – zhanrit, aktorëve, titullit të filmit dhe të ngjashme, ai ofron edhe mundësinë e komentimit të tyre, transferimit në rrjete shoqërore, blerjes së filmit dhe shumë gjëra tjera.

Aktualisht në dispozicion janë rreth 12.000 pjesë filmash nga gjashtë studio hollivudiane - 20th Century Fox, Metro-Goldwyn-Mayer, Paramount, Sony Pictures, Universal Pictures e Warner Bros. /