[You must be registered and logged in to see this image.]

Presidenti i SHBA-ve, Barak Obama, mirëpriti raportin për rënien e nivelit të papunësisë në vend, por paralajmëroi se për rimëkëmbje ekonomike do të nevojitet ende kohë.
Raporti i papunësisë që u publikua dje nga Departamenti i Punës ishte më i miri që nga viti 2007. Në raport thuhet se 11 mijë vende pune u humbën gjatë muajit nëntor, shumë më pak sesa pritej, dhe papunësia ra nga 10.2 për qind në tetor në 10 për qind muajin e kaluar.
Gjatë një forumi publik në qytetin lindor të Allentaun, të shtetit Pensilvania, presidenti Obama i quajti shifrat e reja një shenjë të mirë për ditë më të begata që do të vijnë.
“Dua ta bëj të qartë se ne kemi ende një rrugë të gjatë për të bërë. Mendoj se çdo punë e humbur është humbje e madhe”, tha ai, duke shtuar se do të mbajë një fjalim të martën për stimulimin e vendeve të punës.