[You must be registered and logged in to see this image.]

102 të vdekur në një klub nate
Të paktën 102 persona kanë gjetur vdekjen si pasojë e shpërthimit të zjarrit në një klub nate në qytetin Perm, i cili është shkaktuar nga mjetet
piroteknike, që është fatkeqësia më e madhe në disa nga vitet e fundit në Rusi.
Zyrtarë të Ministrisë për Situata Emergjente në Perm, i cili ndodhet rreth 1.400 kilometra në lindje të Moskës, thanë se sipas informacioneve të fundit
102 persona kanë vdekur dhe 142 të tjerë janë plagosur.
Në momentin e aksidentit në klubin e natës ishin rreth 230 persona, andaj shfaqet droja se numri i viktimave mund të jetë më i madh.
“Ngjarja tragjike ka ndodhur mbrëmë rreth mesnatës me rastin e shënimit të tetëvjetorit të lokalit “Hromi konj”, kur njëra nga raketat e shkrepura piroteknike ka goditur pjesën e plafonit nga plastika, duke shkaktuar një zjarr, i cili është përhapur me shpejtësi në gjithë lokalin”, tha Igor Orlov nga Ministria për Situata Emergjente.
Organet hetuese kanë përjashtuar mundësinë e një akti terrorist, ndërkohë që policia ka arrestuar pronarin e klubit, si dhe drejtorin ekzekutiv për shkak të shkeljes së rregullave të përdorimit të mjeteve piroteknike.