Fier – Tre familjarë që udhëtonin me një veturë në aksin Fier-Ballsh kanë rënë në humnerë nga 25 metra lartësi, në vendin e quajtur “Kthesa e Visokës”, duke mos pësuar as më të voglin lëndim.
Vetura tip "Nisan" me targa NZA 94-24, drejtohej nga  Bledar Shanaj, me banim në qytetin e Vlorës, i cili udhëtonte së bashku me bashkëshorten dhe kunatën e tij. Pas disa rrotullimeve, automjeti ka përfunduar në një ledh në fund të humnerës, me pjesën e përparme të ngulur në tokë.
Personat që ndodheshin brenda saj kanë dalë shëndoshë e mirë, duke u kujdesur të mbyllnin dyert e veturës dhe të vëzhgonin me endje disa gërvishtje që vetura kishte marrë në pjesën e parme.
Të shokuar, pasagjerët "fatlumë" e përfunduan udhëtimin drejt Vlorës me një furgon të rastit.