Vepra artistike që shihet nga 12.000 metra lartësi

Jim Denevan është një artist i cili veprat e tij i punon në rërë, dhe kështu ka krijuar një punim që njihet si vepra më e madhe artistike në botë. Ai këtë punim e ka realizuar në shkretëtirën Black Rock në Nevadë të SHBA-ve.
Disa rrathë artistik, që ai i ka punuar në këtë shkretëtirë, shihen lartësia 12.000 metra mbi tokë – ndërsa njerëzit që udhëtojnë drejt San Francisco-s fascinohen kur i shohin ato.

Denevanit i janë nevojitur 15 ditë për ta kryer këtë vepër, ndërsa në realizimin e saj i kanë ndihmuar edhe katër kolegët e tij.

Jim e kishte planifikuar këtë projekt qysh para dy vjetësh, ndërsa synon që një ditë të bashkëpunojë me NASA-n, për të realizuar një të ngjashëm edhe në sipërfaqen e planetit Mars.