Është e lodhshme të jesh nënë e njëkohësisht të kesh shume obligime të tjera.
Edhe divat e Hollywoodit dëshirojnë të kalojnë sa më shumë kohë me fëmijët, por ja që u duhet të punojnë fort.
Sarah Jessica Parker, në një intervistë për revistën "Glamour", edicioni amerikan, thotë se ka mundur të jetë nënë part time për binjakët e saj Tabitha e Marion.
Aktores i është dashur të nisë xhirimet e "Sex and The City" dhe kjo i ka marrë të gjithë kohën e mundshme.
"Është një konflikt i madh ky, pasi duhet të punoj fort, ama dua të rri edhe me fëmijët e mi. Por jam me fat, sepse ato kanë një dado që kujdeset shumë dhe që më bën mua të jem e qetë. Sfida ime është të jem nënë e mirë dhe aktore në të njëjtën kohë, por është shumë e vështirë", thotë Sarah.