Dorset- Mohamed Jaloh, 28 vjeçari, i cili vuan dënimin në burgun e Dorsetit për shkak të shitjes së drogës, me muaj në qelinë e tij kishte rritur bimë marihuane, dhe njërën madje e kishte zbukuruar si një pemë për Krishtlindje.
Gati gjysmë viti gardianët e kishin admiruar veprimin e tij, pasi që ishin të bindur se bëhej fjalë për filiz domate. Madje i ishin përgjigjur kërkesës së të burgosurit dhe i kishin sjellë dekorata për zbukurimin e pemës, në mënyrë që qelia e tij për Krishtlindje të ishte “e gëzueshme”.
Ndoshta Mohamedi mund të kishte përfunduar punën e nisur, sikur nuk do ta kishte lajmëruar në fund një i burgosur me të cilin ishte grindur. Gardianët në fillim nuk kishin besuar, por në fund, pasi që kërkuan në internet, u bindën se i burgosuri i kishte mashtruar.
“Më e keqja ishte se bimët mund të shiheshin nga rruga, pasi që Mohamedi, që të kishin më shumë dritë, i mbante në dritare”, tha njëri nga gardianët, i cili nuk ishte përgjegjës për atë pjesë të burgut.