Bon – Sipas një ankete nga Instituti për Media dhe Hulumtime sociale, 37 % e gjermanëve, në rast të referendumit, do të votonin kundër minareve. Ekspertët theksojnë se, ashtu siç ishte rasti në Zvicër, ky numër, mund të rritet ndjeshëm.
Që kur Zvicra u deklarua kundër në referendumin për ndërtimin e minareve të xhamive, diskutimi nuk ka pushuar as në Gjermani. Kushtetuta në Gjermani garanton të drejtat e lirisë së fesë, por kjo nuk mbështetët nga të gjithë.
Katrin Gering Ekart nga Partia e të Gjelbërve thekson që mes qytetarëve po përhapet frika e pajustifikueshme, të cilën po e përhapin grupet e djathta.